Navgrah Stotram | नवग्रह स्तोत्रम् | नवग्रह शांति के लिए नित्य पाठ करें #navgrah @Mere Krishna <br /><br />#navgrah #navgrahamantra #navgraha #नवग्रह #नवग्रहशांति_मंत्र <br /><br />नवग्रह स्तोत्रम्<br /><br />जपाकुसुमसंकाशं काश्यपेयं महाद्युतिम् । <br />तमोऽरिं सर्वपापघ्नं प्रणतोऽस्मि दिवाकरम् ॥ १॥ <br /><br />दधिशङ्खतुषाराभं क्षीरोदार्णवसंभवम् । <br />नमामि शशिनं सोमं शम्भोर्मुकुटभूषणम् ॥ २॥ <br /><br />धरणीगर्भसंभूतं विद्युत्कान्तिसमप्रभम् । <br />कुमारं शक्तिहस्तं तं मङ्गलं प्रणमाम्यहम् ॥ ३॥ <br /><br />प्रियङ्गुकलिकाश्यामं रूपेणाप्रतिमं बुधम् । <br />सौम्यं सौम्यगुणोपेतं तं बुधं प्रणमाम्यहम् ॥ ४॥ <br /><br />देवानां च ऋषीणां च गुरुं काञ्चनसंनिभम् । <br />बुद्धिभूतं त्रिलोकेशं तं नमामि बृहस्पतिम् ॥ ५॥ <br /><br />हिमकुन्दमृणालाभं दैत्यानां परमं गुरुम् । <br />सर्वशास्त्रप्रवक्तारं भार्गवं प्रणमाम्यहम् ॥ ६॥ <br /><br />नीलांजनसमाभासं रविपुत्रं यमाग्रजम् । <br />छायामार्तण्डसंभूतं तं नमामि शनैश्चरम् ॥ ७॥ <br /><br />अर्धकायं महावीर्यं चन्द्रादित्यविमर्दनम् । <br />सिंहिकागर्भसंभूतं तं राहुं प्रणमाम्यहम् ॥ ८॥ <br /><br />पलाशपुष्पसंकाशं तारकाग्रहमस्तकम् । <br />रौद्रं रौद्रात्मकं घोरं तं केतुं प्रणमाम्यहम् ॥ ९॥ <br /><br />इति व्यासमुखोद्गीतं यः पठेत्सुसमाहितः । <br />दिवा वा यदि वा रात्रौ विघ्नशान्तिर्भविष्यति ॥ १०॥ <br /><br />नरनारीनृपाणां च भवेद्दुःस्वप्ननाशनम् । <br />ऐश्वर्यमतुलं तेषामारोग्यं पुष्टिवर्धनम् ॥ <br /><br />ग्रहनक्षत्रजाः पीडास्तस्कराग्निसमुद्भवाः । <br />ताः सर्वाः प्रशमं यान्ति व्यासो ब्रूते न संशयः ॥ <br /><br />॥ इति श्रीव्यासविरचितं नवग्रहस्तोत्रं सम्पूर्णम् ॥
